باسم يوسف: أهم جملة بخطاب السيسي.. وحصل لنا الرعب

اعتبر الإعلامي الساخر، باسم يوسف، أن أهم جملة وردت في الخطاب الذي ألقاه رئيس الانقلاب، عبد الفتاح السيسي، بافتتاح مشروع تطوير عشوائيات منطقة "غيط العنب" بالإسكندرية، الاثنين؛ هي قوله إن الجيش سوف ينتشر بالبلاد في ست ساعات.

واتهم يوسف "السيسي" بأنه يهدد المصريين بمصير سوريا والعراق، إذا لم يتوقفوا عن نقد الجيش، "اللي سارق البلد"، على حد وصفه، مؤكدا أنه يتعامل بمنطق "فيها لأخفيها".

جاء ذلك في تغريدة وتدوينة نشرهما يوسف عبر حسابيه بموقعي التواصل الاجتماعي "فيسبوك" و"تويتر"، الاثنين، وحظيتا بتعاطف واسع من كثير من متابعيه، فيما انهال عليه أنصار السيسي بالتقريع والشتائم.

وقال باسم في تدوينته: "أهم جملة في خطاب الفكة لصاحبه الجنرال بلحة (يقصد السيسي) هي الجملة دي: "الجيش حينتشر في ست ساعات ولو البلد اتهزت مش حتنفع لينا، ولا لغيرنا".

وأضاف باسم: "بالعربي يعني أن لو في أي محاولة لوقف أو رفض أو كشف بيزنس الجيش اللي سارقين البلد فيه ليل نهار.. حيبقى "فيها لأخفيها".. يا تقبلني وأنا باسرقك كل يوم يا أجيب عاليها واطيها، وأحرق لكم البلد، وساعتها فعلا ححولها سوريا والعراق".

واختتم يوسف تدوينته مخاطبا السيسي بالقول: "حصل لنا الرعب يا باشا".

ومن جهتهم، تضامن عدد من الناشطين مع باسم يوسف في ما ذهب إليه.

وشاركه محمد أسامة السخرية من خطاب السيسب فقال: "إحنا بناخد من المواطن الفكة اللي معاه.. وندخلها صندوق "تحيا مصر".. تخرج من الناحية التانية فلوس مجمدة بنزود بيها مرتبات الجيش والشرطة والقضاء، وده قمة الإعجاز العلمي".

وقال عبده الديك: "ما هو ولاية سينا بقالها 3 سنين مش عارف يسيطر عليهم بس هو أسد ع المتظاهرين، ونعامة ع الحدود".

وخاطب الديك "باسم يوسف" بالقول: "طبعا انت مش هيحصل لك الرعب، ولا حاجة لأنك برة (في الخارج).. بس فيه ناس اتحكم عليهم بالإعدام، وفيه ناس تانية لسة هتموت، وأنت بقى آخرك بوست، ومن برة كمان.. ع الأقل تعمل البرنامج، وتساند الناس اللي اتظلمت هنا".

ومن جهته، علق هشام فريد بالقول: "والجيش اللي هينتشر في 6 ساعات لو حصلت ثورة.. مش عارف ينقذ ولادنا، وهم بيغرقوا في 6 ساعات؟".

ورأى شريف السواح أنه "شغل ستيناتي أوي ومينفعش مع الجيل ده".

وقال: "للأسف.. النظام مش قادر يفهم، ولا يستوعب ثقافة الجيل الحالي، ولا عنده فكرة عن أحلامنا وتطلعاتنا، وأسهل حاجة عندهم القمع أو القتل بس الأفكار عمرها ما بتموت".

وتابع: "مصر، آجلا أو عاجلا.. هتبقى دولة مدنية، وبتطبق القانون".

ومن جهته قال الكيلاني أحمد: "أيوة والله.. حصل لنا الرعب والتهديد يا بلحة.. وخفنا خالص من أن الجيش هينتشر في 6 ساعات.. لا إحنا هنبقي زي سوريا، ولا في يوم هنتحول لعراق.. هما لازم يرجعوا بالتاريخ لسنين كتير بتأكد أننا لا هنسيبها ونتحول للاجئين، ولو وقعنا في بعض، ونزل جيشه، وانقسم علينا.. هيهات لما يوعدون.. طب يارب يكون كلامه صح، وينزل جيشه في 6 ساعات.. ياريت".

أما محمد الرفاعي: "الرجل ده (يقصد السيسي) أكتر واحد أضر الجيش بسبب إقحامه في كل صغيرة وكبيرة ف البلد ومتنساش البزنس اللي على جنب.. لم تتقدم أي دولة في العالم كان يحكمها عسكريون، وشوفو أوروبا كيف تخلصت من حكامها العسكريين، وآخرهم كان تشاوشيسكو رئيس رومانيا، وشوفو جميع الدول المتقدمة هي دول ديمقراطية مدنية".

وأردف تالرفاعي: "مفيش دولة حاكمها عسكري إلا وكلها مشكلات وحروب وفقر وفساد وقمع وظلم".

ومن جهته قال حسام الصيفي: "الكلام ده ما يقولوش غير رئيس خايف ومرعوب وبيفهم الناس أن فيه قوه جاهزة تتعامل معاه، وما يعرفش أن العالم كله مستني اللحظة اللي يقوم الشعب على الجنرال ساعتها ألف مين يقول له: "لا.. اركن على جنب.. دي مصر يا برنس.. حتة الجاتوه اللي مستنينها".

وتابع الصيفي: "ساعتها.. الله أعلم باللي ممكن يحصل.. بس السناريو اللي جاهز أن القوه الخفية تضحي بالسيسي، وتظهر من جديد بعباءة جديدة، ونكمل المسرحية من جديد"، على حد قوله.

وأخيرا، قال صاحب حساب: "Stock New Wear": "جيش مين اللي ينتشر في 6 ساعات.. ده عقبال الجنود اللي بتبيع خضار، واللي بيعملوا المربى، واللي بيصنعوا كعك العيد، واللي بيلموا الفكة، واللي بيطبخوا للمدن الجامعية.. ميتجمعوا يكون عدى 6 شهور".

وأضاف: "يا جماعة.. اعملوا ثورتكم، وسيبكم منه.. ده كداب وعبيط".

وكان السيسي قال، في خطاب ألقاه، لدى افتتاحه، صباح الاثنين، تطوير منطقة "غيط العنب" العشوائية بالإسكندرية، تحت مسمى "مشروع بشاير الخير": "خططنا لنشر الجيش في 6 ساعات".

ووسط تصفيق الحضور، تابع السيسي حديثه: "التخطيط معمول أن الجيش يفرد في مصر.. يفرد مصر خلال ست ساعات.. أنا أقول لكم علشان تبقوا عارفين: الجيش يفرد في مصر.. ينتشر في مصر.. في ست ساعات.. لحماية الدولة دي".

وأضاف: "ما حدش يفتكر إن إحنا ها نسيبها (مصر)، أو ها نسمح أنها تضيع مننا.. أو نضيع الناس معانا.. أنا مسؤول أمام الله سبحانه وتعالى، وأمامكم، وأمام التاريخ، على الدفاع عنها، وحمايتها"، بحسب قوله، ما اعتبره نشطاء تهديدا منه بقمع أي ثورة قادمة على نظام حكمه.