هاشتاغ #رايح_شرم لإنقاذ السياحة.. والمصريون يسخرون

أطلق مصريون وسما (هاشتاغا) على موقع التواصل الاجتماعي "تويتر" بعنوان #رايح_شرم، لدعم السياحة المصرية في المدينة المصرية التي هجرها سياحها بعد حادثة سقوط الطائرة الروسية.

ويأتي الهاشتاغ بحسب بعض المتفاعلين عليه ردا على لقرار الروسي بتعليق الرحلات الجوية إلى شرم الشيخ، ما سيضطر 45 آلاف سائح روسي إلى مغادرة المدينة السياحية، ما سيفقد مصر 25% من وارداتها السياحية، بحسب وزارة السياحة المصرية.

وتصدر "#رايح_شرم" موقع "تويتر"، بمعدل ألف تغريدة في الساعة الواحدة، لكن المفارقة تكمن في أن المغردين الساخرين هم من ساعدوا الهاشتاغ على التصدر، بعكس ما أراد له منشئوه.

يذكر أن المواطن المصري يحتاج إلى تصريح أمني لدخول شرم الشيخ أو مدينة السلام، ويحب المصريون أن يطلقوا عليها لاحتضانها المؤتمرات الدولية الهامة التي تخص الشرق الأوسط، وفيها "مسجد السلام" و"حديقة السلام" و"نصب السلام التذكاري"، و"متحف السلام".

المصريين اكتر ناس يحبو يشتغلو نفسهم.. كل اما تحصل حاجة يعملوا زيطة وبعدها بيوم فسسسسسس #رايح_شرم

— Amr Taha (@ya3soop) November 7, 2015

كل واحد غنى ياخد معاه 10فقرا يفسحهم معاه وروونا الوطنية بقى #رايح_شرم

— هاشم (@bahamed73) November 7, 2015

معييش فلوس ومش لاقى اكل وماعندى وظيفة ودايخ فى مصر بس #رايح_شرم

— هاشم (@bahamed73) November 7, 2015

بلد كل الظنيا بتجلي رعاياها منها عشان خطر على حياتهم .. قوم انا اروح من غير اي ضمانات بتغيير الاجراءات الامنية #رايح_شرم

— Amr Taha (@ya3soop) November 7, 2015

#رايح_شرم ? لا مش رايحه بس انتو تعالو ?

— صَمر ♣ (@samarrafat114) November 7, 2015

#رايح_شرم ايوة سياحة داخلية خلو المصريين يروحوا بحلل المحشى وصوانى المكرونة ادهنوهم اصفر عشان يبانوا اجانب

— والى عكا (@mostafahamed70) November 7, 2015

السياحه يعنى ( دولار - يورو - جنيه استرلينى - او اى عمله اجنبيه ) انت جاى بالجنيه المصرى تعمل ايه !! #رايح_شرم

— الِسينَاوِى (@Heegazy) November 7, 2015

بالنسبه للمصريين الى جايين شرم .. انتوا جايين تعملوا ايه .. مجرد وجودكم فى شرم دا اكبر عامل طرد للسياحه #رايح_شرم

— الِسينَاوِى (@Heegazy) November 7, 2015

الفقرة دي للزومبيز اللي اكلت دماغها نظريةالمؤامرة الى عايز يضحك يدخل على وسم #رايح_شرم كمية ناس بتتكلم عن المؤامره زومبيز نيزك يارب وريحنا

— Sherif Hagag Yousef (@sherifyosseff) November 7, 2015

ياريت الإخوة بتوع هاشتاج #رايح_شرم يوصوا الكماين تفتشنا زي ما هي عايزة بس بأدب ومن غير إهانة وتنطيط على أي حد معاه بنات وتفتيش موبايلات.

— Sherif Nagib (@SherifNagib) November 7, 2015

مافيش حد #رايح_شرم يوم او يومين ومعاه مكان فاضي في العربية لشاب عشريني نادرا ما يتكلم مع الغرباء ياخده معاه في العربية ويرجعه تاني لما يخلص؟

— Level Up (@SeifTheMiniMe) November 7, 2015

#رايح_شرم المصريين فاكرين انهم لما يروحوا شرم هيدعموا السياحة ؟ .. المصري اللى بيرمي أكياس شيبسي فى البحر وبينزل باللباس وعوامة الكاوتش ؟

— Rude Regez (@AmrRodriguez) November 7, 2015

مين الحمار اللى عمل الهاشتاج دا #رايح_شرم مصر بتغرق والاسعار نار والناس مش لاقيه تاكل وانت عاوزهم يعملوا فيها سياح ! انت عبيط ياله !!

— ahmad yusuf (@ahmad_yusuf29) November 7, 2015

#رايح_شرم الأول ننصح المية من اسكندرية ونسلك البلاغات اللي الإخوان سدوها وبعدين نشرب عصير البرسيم قم بقة نروح شرم جتكم القرف

— فتح قريب (@hosam69) November 6, 2015

اهااااااااا دلوقتي افتكروووو أن ف شعب ليه حق يروح شرم ويدعم السياحه وأيام أن كانت شرم تعج بالاجانب بره يا كلب ولازم تدخل بتصرح #رايح_شرم

— ذكرى إنسانnabil (@nabil22112012) November 6, 2015

احنا رايحين في داهية #رايح_شرم

— رامز كامل (@ramezkamel1) November 6, 2015

و الله انا معنديش مشكلة اني اروح شرم بس هي مش معمولة لينا شرم معمولة لناسها :3 #رايح_شرم

— Lamees Mustafa (@Lameezzz) November 6, 2015

#رايح_شرم ابقوا خدوا الزبالة معاكوا وانتوا نازلين

— La Shreef (@Jrevas) November 7, 2015