السيسي يريد "شنط الفلوس".. ونشطاء يسخرون (شاهد)

قال قائد الانقلاب في مصر، عبد الفتاح السيسي، إن من يريد أن يقنن وضع أرضه الزراعية فعليه إحضار "شنط الفلوس".

جاء ذلك خلال مؤتمر الموقف التنفيذي لاستعادة أراضي الدولة، الأربعاء، في إطار حملة إزالة التعديات على أراضي الدولة.

ووجه السيسي حديثه للواء الوزير محمد عرفان قائلا: "فورا تاخدها (الأراضي) يا محمد اللي هيقنن يجيب شنط الفلوس، عاوز تقنن احنا معاك". 



التصريح أثار انتقادات النشطاء عبر مواقع التواصل الاجتماعي، فعلق طارق عرفة: "ده تظبيط بس للحرامية ادفعوا أي حاجة والأراضي حلال عليكم وازرع شجرتين ونقول مزروعه كمان".

وكتب حازم طارق: "الناس اللي عمالة تقول بيرجع أراضي الدولة المنهوبة من الناس، يا جماعة مش بيرجع غير الأراضي اللي مع الغلابة إنما أي رتبة لا، احنا جنبنا في مستشار باني عمارة في أرض معروفة للجميع إنها ملك للدولة وإنها مبنية بالمخالفة والله ما في حد قرب منه وقاله فينك".

وقالت سوزان حامد: "ده مش أسلوب رئيس جمهورية ده أسلوب رئيس مافيا، رئيس عصابة، أي حاجة غير رئيس جمهورية".

وتساءل أمير جمال: "وفين شنط المستثمرين الأجانب اللي حياخدوا الأرض مجانًا مع إعفاء ضريبي؟".

وعن أراضي الجيش، تساءل أحمد وليد: "ده عبط بجد طب بالنسبة للأراضي اللي استولى عليها الجيش هتعمل إيه فيها؟ الجيش اللي مسيطر على 60 في المئة من الدخل القومي!".

وسخر جمال سليم: "يجيب شنط الفلوس ويخش على كرشه وكروش باقي أفراد تنظيم العصابة!".

ونوه محمد إسماعيل إلى أزمة المياه، قائلا: "بالله دة كلام واحد عنده مشكلة مياه مش مكفية أرضه يزرع إيه ومنين؟ ياريت تدرس الأول وتحل مشكلة المية ونزرع أرضنا كلها، ياريت بس بلاش سرح علشان اتخنقنا والفقر ركبنا من الخرط إلى مياكلش عيش".

وقال عبد الفتاح أحمد: "يعتقد أن الاستيلاء على أراض مضى عليها حقبة تحت وضع اليد وبيعها بمبالغ طائلة ستمنع إعلان إفلاسه الذي كان هو المتسبب فيه!؟".

وسخر محمد صابر قائلا: "انت لو شغال كمسري في موقف باصات مش هتقول كده".

وقال صلاح إبراهيم: "رئيس بدرجة متسول جعل من مصر قزم أمام الحفاه أمثال أبناء زايد وآل سعود".

وتساءلت سعاد يونس: "طب اللواءات اللي نهبين ملايين الأفدنة هيدفعوا برده ولا ناس وناس يريت نشوف العدل".

وكتب أمير إبراهيم: "والجيش والحكومة يلهفوا شنط الفلوس في كروشهم والشعب ياكل من الزبالة".

وقال حاتم علي: "أخدو أرض الغلابة وتركوا أرض الوحوش مال قيصر لقيصر والمواطن ياكل تراب".