نشطاء لأحمد ماهر: مادام كنت عارف رجعلنا الشهداء تاني

أثارت اعترافات أحمد ماهر، مؤسس حركة 6 إبريل، ردود أفعال عدة بين النشطاء على مواقع التواصل الاجتماعي، والتي كشف خلالها العديد من الأسرار والكواليس التي كان يعرفها عن تدبير قادة العسكر والفلول والدولة العميقة، للانقلاب على الرئيس الشرعي الدكتور محمد مرسي، وأنهم سيحدثون أعمال عنف ويريقون الدماء من أجل الانقلاب على إرادة الشعب، والزج بقيادة وعناصر الإخوان في السجن، وإعادة العسكر من جديد إلى السلطة

وقال أحد النشطاء: "يعني إنت جاي بعد 10 شهور من الدم والمذابح والاغتصاب والاعتقالات بالآلاف تقول لنا "كنت عارف بس كنت مكسوف"؟! يعني انت من فبراير 2013 كنت عارف إن الجيش بيجهز لافتعال العنف ومزيد من الدماء؟! ورغم إنك عارف إن العسكر ومخابراتهم اللي كانوا بيجهزوا لها سمحتم لنفسكم تتنططوا كل شوية في قناة وتقعدوا كل ليلة على حجر مذيعة شكل تتكلموا عن "ميليشيات الإخوان" و"مرسي القاتل"؟!"

وقال أحد المعلقين "كنت عارف إن الجيش بيجهز لافتعال العنف ومزيد من الدماء، وبرضه فتحتم صفحاتكم للحشد عند المقطم ومقرات الحرية والعدالة واشتركتم في تأجيج كل مواطن الدم ولفيتم -وانتم عارفين إن العسكر اللي بيشعللوها ويرتبوها- تقولوا "الإخوان القتلة"؟!"

ودون أحدهم "كنت عارف إن الجيش بيجهز لانقلاب وكمان عارف إنه في يوليو، وبرضه قعدتم تحشدوا لـ 30 يونيو وأنت بنفسك على صفحتك افتخرت بأن 6 إبريل جمعت مليون ونص توقيع لتمرد زي ما ادعيت؟!"

وتساءل آخر "يعني انت كنت عارف وعارف الموعد كمان وعارف إن "تمرد" دي اللي بيحركها العسكر.. وبرضه جمعت توقيعات وافتخرت وحشدت لـ 30 يونيو اللي انت عارف إن الجيش جاي يركب فيها ويقتل ويدبح؟! وكتبتم في بيانكم يوم 3 يوليو إنكم بتثمنوا تحرك المجلس الأعلى للقوات المسلحة وحرصه على وحدة الوطن؟! والإخوان هما اللي خونة وهما اللي أغبيا وهما اللي اتحالفوا مع العسكر؟!"

وتعجب مدون آخر "وكنتم عارفين من فبراير إن الجيش بيجهز لانقلاب.. ورافضين عودة الرئيس الشرعي اللي الجيش كان بيخطط للانقلاب عليه؟! طيب ادونا البلغ اللي في جماجمكم طيب نشوف انتم شايفين العالم ازاي!"

واستنكر أحدهم "بعد 10 شهور جاي تقول: "للأسف كنت أعلم؟! أصرف أسفك منين يا ابن **** دلوقتي؟! تعرف ترجعلي "عبد الرحمن جودة " يا ابن **** بأسفك ده؟! تعرف ترجع ضفر أي شهيد؟! تعرف تروح لبنت مغتصبة تقول لها: "آسف أنا كنت عارف بس قلت نشيل مرسي وبعدين يحلها الحلال"؟!"

وقال الناشط محمد الصنهاوي: "تمرد" طلعت مخابرات باعترافات مؤسسيها، ماهر واخواته كانوا عارفين إن الجيش هينقلب قبلها بشهور، الجيش شال الرئيس المنتخب، بقينا نسمع في خطاباتهم كلمة "انقلاب"، بس معلش ياشباب، نو هارد فيلينجز.. "الرئيس المنتخب مايرجعش.. مزاجنا كده"