صدمة للمصريين.. السيسي يعلق على أزمة الكهرباء

علق رئيس النظام المصري عبد الفتاح السيسي على أزمة الكهرباء التي تشهدها البلاد وما يعانيه المواطنون من انقطاع قومي للتيار الكهربائي.

وقال السيسي، إن مصر شهدت زيادة في عدد السكان قوامها 25 مليون نسمة منذ عام 2011 وأنه إن لم يتم قطع الكهرباء فسيرتفع ثمنها مرتين أو ثلاث مرات.

تصريحات السيسي جاءت خلال مداخلته على هامش افتتاحه مشروعات تنموية وزراعية جديدة في جنوب الوادي بحضور العديد من الوزراء والمسؤولين.


وقال السيسي: "أنا لو أخدت ثمن الكهرباء الحقيقي فسأضاعف ثمنها مرتين، طيب الغلبان هيروح مني فين؟ أقطع الكهرباء ولا أغليها؟ وأغليها أد إيه؟ اللي بيدفع جنيه هيدفع جنيهين أو ثلاثة لو أخذت الكهرباء بتكلفتها حاليًا، لو المواطن بيدفع 100 جنيه شهريًا هآخد منه 300 جنيه شهريًا بتكلفتها حاليًا".. وأردف: "طب إحنا بنعمل كدة؟ لأ.. أنا أتحمل المسؤولية أمام الله قدامكم، ولو مش عاوز أقطع الكهرباء خالص لازم أخلي ثمنها مثل ثمنها الحالي مرتين أو ثلاثة".

وأضاف: "أنا بأعيب على المعنيين حتى في التقارير الصحفية والمقالات التي تُكتب، محدش بيتناول المسألة بشكل موضوعي خالص يا جماعة، يا إما إنتم مش عارفين أو إحنا بنخبي عليكم، وأنا بأكلمكم بمنتهى الصراحة، الدول لا تُدار كدة، الدول تدار بالجدية والمسؤولية والفهم، ولو الناس لو فهمت هييجوا معاك، والبديل أهو: ممكن الكهرباء تشتغل 24 ساعة طبعًا، المحطات موجودة ونستطيع، لكن النهاردة عشان يتم توفير الوقود ليها لازم وزير الكهرباء يدفع فاتورته، فهيجيب منين؟ فيضطر إن الأمور تمشي كدة، حسب حجم الوقود الذي يصل له وقدر الدعم الذي يصل له، وإحنا ممكن نشغلها 24 ساعة و48 ساعة، بس بكام؟".


وطالب رئيس النظام المصري وزراء المالية والكهرباء والتموين في الحكومة المصرية بأن "يقولوا الحكاية للناس"، بحسب تعبيره.

يذكر أن السيسي في أيلول/ سبتمبر 2023 قال إنه يوفر 300 مليون دولار شهريا من خلال تخفيف الأحمال عن الكهرباء في مصر، إن تلك الأموال يشتري بها بترول حتى لا تحدث مشكلة في السولار.