باسم يوسف يسأل: ماذا لو شكك أحدهم بالقرآن؟ وردود عليه

طرح الإعلامي المصري الساخر باسم يوسف، السبت، سؤالا حول طريقة تعامل المجتمع المسلم مع من شكك بالقرآن أو بصحيح البخاري في ميدان عام أو في شارع بمصر، وذلك في تدوينة على حسابه الرسمي بـ"فيسبوك".

وأضاف باسم في التدوينة ذاتها متسائلا: "هل سيتعامل الشعب المسلم العادي مع المشكك في القرآن كما يتعامل الغرب مع المسلمين المشككين في الإنجيل والقائلين إنه محرف، وإن المسيحيين كلهم على ضلال؟".

اقرأ أيضا: باسم يوسف يفضح كيف تطال العنصرية الجميع بأمريكا (شاهد)

وأشار إلى أن هناك من لا يزال يهاجم تصريحات سابقة له عن العنصرية في المجتمع المصري والطريقة التي يُعامل بها المسيحيون. 

وكتب باسم في فقرة من تدوينته: "لو انت شايف نفسك متسامح والدنيا فلة وإننا أحسن من الغرب اسال نفسك لو واحد عمل فرشة في شارع أو ميدان عام زي المسلمين كده في أوروبا بيجيبوا ترابيزات بيحطوا عليها مصاحف. والواحد ده ابتدى يدعو للبهائية أو ابتدى يشكك في القرآن أو البخاري. الشعب العادي اللي من عير بوليس أو أزهر حيعمل في الراجل ده إيه؟ أنا بعيني شفت واحد مسلم في مترو نيويورك عمال يشخط في اللي رايح واللي جاي ويقول للناس إن الإنجيل محرف وإن كلهم على ضلال. ولا حد قربله. بس معلش يا جماعة احنا فلة وحلوين ومافيش أي مشاكل في مجتمعاتنا".

ردود وانتقادات

وجاءت مجموعة من الردود تنتقد تدوينة باسم يوسف وتتهمه بالانتقائية، واختيار بعض الحالات والأحداث الطارئة لكي يبني عليها مواقف ويقوم بتعميمها على أنها الأصل.

وردت "أسماء فؤاد" على باسم قائلة: "دايما يا باسم تتحدث بالحق وتريد به الباطل، اتشطر كدا واعمل لنا كام فيديو تريقة على السيسي ولا التريقة مبتنفعش غير على مرسي؟".

ورد آخر في تعليق قائلا: "الذي صنع العنصرية والإرهاب هم الغرب، وأمريكا على وجه الخصوص أم الإرهاب، ولا نسيت الهنود الحمر والسود وإرهاب القنابل النووية وقتل مليوني عراقي ودعم الكيان الإرهابي الصهيوني ودعم كل أنظمة الاستبداد والسفاح السيسي؟".

اقرأ أيضا: باسم يوسف: خطاب ترامب يوجد مثله في العالم الإسلامي (شاهد)

وكتب أحد المعلقين الشباب تعليقا: "المقارنة مرفوضة أصلا.. انت بتقارن شعب باني وعيه وآرائه وتوجهاته على إعلام مضلل ولسة عايش في السبعينيات بشعب بيعمل ثورات وانتفاضات علشان واحد أسمر اتقتل من ضابط شرطة... الطبقية هنا في مصر بلغت أقصاها صدقني... حاول متعملش مقارنات تاني لأن 80% من الشعب ده ميعرفش انت بتتكلم في إيه ولا عن إيه أساسا ..لكن غير كده أنا موافقك تماما".

وردت أخرى قائلة: "بالعكس لو مضطهدين من المجتمع كانوا مقدروش يعملوا مشاريع وكانوا فشلوا، إحنا لما بنشتري من محلاتهم مش في دماغنا إذا كان مسيحي أو مسلم، أما الإرهاب والفكر المتطرف ده حاجه شااذة عن المجتمع لا إسلام ولا إنسان طبيعي يعمل اللي حصل في سيناء، بالعكس خالص في مستشفيات تابعة للمسحيين من أصغر عامل لأكبر دكتور كله مسيحي بستغرب ليه مفيش دكتور مسلم فيها".

وكتب الإعلامي الساخر باسم في تدوينته: "طيب فيه ناس لسه بتهاجم اللي أنا قلته إن فيه عنصرية في مجتمعاتنا بأنها إنه المسيحيين بيتعاملوا أحسن معاملة وأن الحوادث اللي ضدهم دي حوادث فردية (طبعا) وأن فيه خلط بين الأفراد والمؤسسات الدينية والحكومة. طيب أنا مش حخش في النقاش ده وأجيب عشرات الأمثلة عن معاملة المسيحيين في مصر".

وتابع قائلا: "ماشي يا عم المتسامح. المسيحيين عايشين ملوك ولا بيتهجروا ولا حاجة. والذبح اللي شغال في سينا ده لا يمثل الإسلام. معروفة. بس أفتكر إن أنا قلت إن فيه عنصرية وتفرقة ضد غير المسلمين. يعني بهائيين لا دينيين، ملحدين الخ الخ".