عمرو أديب: صلاح دياب مش جوز أمي.. بس عمل إيه؟ (فيديو)

وتساءل عما إذا كان صلاح دياب يشكل "خطرا على الأمن القومي.. ولا تاجر سلاح"، وتابع بأن "الراجل ده لو عامل مصيبة يعدم لكن لازم نعرف سبب القبض عليه".

وأضاف أديب أن "الراجل ده عمل شرخ عند كل رجال الأعمال، النهار ده كل رجال الأعمال بيقولوا هو إحنا حرامية ونصابين للدرجادي، عايزين بيان من النيابة، ولو الراجل ده عامل مصيبة يعدم، لو عامل عملة زي الزفت يبقى يستاهل اللي يحصله، لأن هناك ضرر قد حدث بالقبض على صلاح دياب في مجتمع البيزنس المصري".

وتابع بأن "أول مرة أشوف رجال الأعمال يتحدوا في موضوع، مجتمع الأعمال في مصر تم استفزازه بشكل كبير جدا، في الوقت نفسه الرأي العام سعيد جدا باللي حصل في الراجل، مع إن ابن المواطن شغال في مصانعه، الدولة مشغلتش ابنه لكن صلاح دياب وغيره من رجال الأعمال شغله، دول اللي مقومين اقتصاد البلد، ده راجل عنده 15 ألف عامل".

وقال متسائلا: "هل الهزة اللي حصلت في البورصة بسبب القبض على دياب تساوي إنك تقبض عليه بسبب إن عنده بندقية في البيت؟ هتقولي قانون، هو يعني جاه على ده؟ ده الصعيد كله عنده بنادق في البيت، ده مش مناخ جيد للاقتصاد في مصر، متسيبونا بقى نمشي لقدام مش نوقع اقتصاد البلد".

وجدير بالذكر أن قوة أمنية كبيرة توجهت فجر الأحد، إلى منزل رجل الأعمال صلاح دياب في طريق مصر أسيوط الزراعي وألقت القبض عليه هو ونجله توفيق، وذلك لاتهامهما في عدد من قضايا الفساد المالي.