سما المصري تهاجم آل الشيخ وتترحم على الملك عبدالله (شاهد)

ردت الراقصة المصرية سما المصري، بتدوينة مثيرة على رئيس الهيئة العامة للرياضة في السعودية، تركي آل الشيخ.

وأبدت المصري امتعاضها من ذكر اسمها من قبل آل الشيخ، في معرض مطالبته عبد الفتاح السيسي بالتدخل في "مهزلة" اتحاد الكرة، ضد ناديه "بيراميدز"، بحسب قوله.

واستشاطت سما المصري غضبا، بسبب تصريح آل الشيخ على قناة "بيراميدز"، بأن اتحاد الكرة مشغول في الرد على طلب الراقصة المثيرة للجدل، بشغل منصب مدير اتحاد الكرة.

وقالت المصري إن آل الشيخ لفظ اسمها خطأ، قائلا "مهى"، وأضافت: "أنا اسمي سما المصري مش مها المصري، وإنت زعلان عشان اتحاد الكرة رد عليا وماردش عليك، وطالع تقول إنهم بيردوا بس علي مها المصري".

وتابعت بأن "الاتحاد رد عليا عشان قدمت طلب رسمي ليهم، وثانيا عشان الرأي العام كله طلب منهم يردوا، حضرتك اتفضل قدم لهم طلب رسمي زي مأنا عملت وهم هيردوا عليك علطول".

وبحسب سما المصري، فإن في مصر "محدش أحسن من حد"، داعية آل الشيخ لتوجيه طلباته إلى الاتحاد بشكل رسمي، وليس عبر شاشات التلفزة.

وهاجمت المصري آل الشيخ، قائلة إن "مصر فقيرة آه، بس عندنا دم وكرامة وميصحش تتكلم عن مؤسسات مصر بالشكل دا".

وتابعت: "إنت ضيف على راسنا من فوق تكرم عشان خاطر السعودية، وأهلها الكرام، لكن ماتجرحش فينا عشان بتدعم وتستثمر في الرياضة".

ودعت سما المصري متابعيها للتغريد في هاشتاغ "#ردوا_على_تركي_آل_ شيخ".

وختمت منشورها عبر "إنستغرام"، بعبارة مثيرة، قالت فيها: "الله يرحم الملك عبد الله، والشيخ زايد، ألف رحمة عليهم، كانوا عارفين قيمة مصر ومؤسساتها والمصريين كويس الله يرحمهم"، في تلميح مبطن إلى رأيها بسياسات الحكومتين السعودية والإماراتية الحالية تجاه مصر، بحسب ناشطين.

وكان تركي آل الشيخ هدد بالانسحاب من الدوري المصري، في حال لم يوفر اتحاد الكرة حكاما أجانب لمباريات فريقه بيراميدز.

واتهم آل الشيخ الحكام المصريين بالانحياز ضد فريقه، وذلك بعد تعادل بيراميدز والجونة بهدف لمثله، الأربعاء.

 

View this post on Instagram

 

رساله للشيخ تركي ال شيخ...انا اسمي سما المصري مش مها المصري...وانت زعلان عشان اتحاد الكوره رد عليا وماردش عليك وطالع تقول انهم بيردوا بس علي مها المصري...اولا الاتحاد رد عليا عشان قدمت طلب رسمي ليهم وثانيا عشان الرأي العام كله طلب منهم يردوا .حضرتك اتفضل قدم لهم طلب رسمي ذي مالنا عملت وهم هيردوا عليك علطول...عندنا في مصر محدش احسن من حد ومحدش بيسقع لحد ولابيطنش طلبات حد ممكن اي مؤسسه في البلد تتأخر في الرد علي طلبات الناس لكن في الاخر بيردوا .موسسات مصر مؤسسات محترمه.اطلب من الاتحاد اللي انت عايزه بطلب رسمي مش عبر شاشات التلفزيون واوعدك هيردوا عليك ولو ماردوش ابقي ابعته ليا وانا أوصله ليهم واوصيهم انهم يردوا....عندنا روتين وبطء صحيح في البلد كلها بس في الاخر لك حق هتاخده ذي اي واحد عايش في البلد دي عشان دي(( جمهوريه مصر العربيه))....مصر فقيره اه بس عندنا دم وكرامه ومايصحش تتكلم عن مؤسسات مصر بالشكل دا انت ضيف علي راسنا من فوق تكرم عشان خاطر السعوديه واهلها الكرام لكن ماتجرحش فينا عشان بتدعم وتستثمر في الرياضه ياجماعه كله يدعم هاشتاج....#ردوا_علي تركي ال شيخ عشان الاتحاد يرد عليه ذيي عشان مايزعلش...الله يرحم الملك عبد الله والشيخ زايد الف رحمه عليهم كانوا عارفين قيمه مصر ومؤسساتها والمصريين كويس الله يرحمهم....

A post shared by سما المصري (@samaelmasrii) on Sep 12, 2018 at 6:15pm PDT