إعلامي موال للسيسي: "فلوس الفسيخ منين؟".. ونشطاء يردون

أثار الإعلامي المصري تامر أمين انتقادات حادة من النشطاء على مواقع التواصل الاجتماعي، عقب انتقاده شراء المصريين للفسيخ، قائلا لهم: "جبتوا الفلوس دي منين؟". 

وقال أمين في برنامجه "الحياة اليوم" المقدم على فضائية "الحياة" أمس الثلاثاء: "أنا عايز أعرف انتو جبتوا الفلوس دي منين.. لا صحيح بيني وبينكم ومحدش سامعنا، جبتوا الفلوس دي منين يا مصريين؟".

وأردف ساخرا: "وآمال يا أخويا إيه الناس اللي عمالة تقول مش لاقيين ناكل ومش عارفين نشرب والأسعار غالية ومش عارفين نلاقي اللقمة، لا صحيح جبتوها منين؟".

وتابع: "تصدقوا إن انتم صرفتوا ما يقارب على مليار جنيه على العفونة، ألف مليون جنيه صرفتوه على الفسيخ". 

وقال: "الرقم ده موثق جايبه من وزارة الصحة والتموين وكل الجهات الحكومية اللي كانت بتراقب استهلاك المصريين للفسيخ امبارح".
 

ورد نشطاء على حديث أمين وقرأوا أنه تمهيد لزيادة الأسعار مع توارد الأنباء عن رفع سعر المحروقات.

وانتقادات النشطاء أثارت أيضا حفيظة أمين الذي هاجم المنتقدين الأربعاء في برنامجه، ووصفهم بـ"المتنطعين"، قائلا: "أنا أعددت حلقة فيها 36 موضوعا اتكلمنا فيهم وسابوا كل الكلام المهم ومسكوا في الفسيخ، ومن أتكلم عنهم ليسوا مصريين". 

وأضاف: "أنا قلت الكلام ده من منطق رفضي للفسيخ وعداوتي له وتحفظي عن إن المصريين ياكلوه، وهذه مادة غير صالحة للاستهلاك الآدمي".

 

 

واعتبر النشطاء تعليق أمين "تعديا على أبسط حقوقهم في تناول ما يرغبون وقتما يشاؤون".

هو صحيح تامر أمين بيسأل: "جبتوا فلوس الفسيخ منين يا مصريين؟"!!
هما قاعدين للناس بيعدوا وراهم ومستكترين عليهم حتى الفسيخ وشم النسيم!!

— Abu-Zekri (@mohamedabuzekri) 11 أبريل، 2018

 

لما المائة مليون مصري ياكلوا فسيخ بمليار جنيه ، يبقى نصيب الفرد عشرة جنيه .. ايه رايك ، كتير يا تامر يا امين ؟

— Magdy Elalfy (@MagdyElalfy56) 11 أبريل، 2018

 

 

 

 

  

 

 

 

استنى بس كام يوم بعد ما تامرامين م قال بتجيبو فلوس الفسيخ دى منين يامصريين دانتو ا صرفتوا مليار على عزومة فسيخ هههههههه هيفسخونا بعد كلامه دة وهءنعفن ف ام البلد دى

— ????? (@wedadoo55) 11 أبريل، 2018

 

_تامر أمين للمصريين:لما انتوا بتشتكوا إن الحاجة غاليه ومش لاقيين تاكلوا أومال جيبتوا فلوس الفسيخ منين؟! pic.twitter.com/QSUVM4wT2E

— أحمد عبده (@ahmedabdo201435) 11 أبريل، 2018

 

 

  

  

 

 

#تامر_امين انت مالك ومال الناس تاكل ايه .. ومتقلش ايه !
انتوا بتحسدوا الناس علي رزقها !؟
حد عارف انت بتاكل ايه ؟
منكم ومال المصريين بيكلوا حاجة الدول التانيه مش بتكلها!
انتم ملكم !!!
كل دولة ليها عادات وتقاليد ..
حد قال للأسياويين بتكلوا حشرات ليه !!!

— تغريد مصر نيوز ? (@tete7777777) 11 أبريل، 2018