السيسي يلوح بتفويض جديد.. "ما حدث لن يتكرر" (فيديو)

قال رئيس سلطة الانقلاب في مصر عبدالفتاح السيسي، إن ما حدث قبل 7 سنوات لن يتكرر مرة أخرى، وهو ما اعتبره نشطاء على مواقع التواصل الاجتماعي إشارة إلى ثورة 25 يناير 2011.

وقال السيسي خلال افتتاحه حقل الغاز المصري "حقل ظهر": "الكلام اللي اتعمل من 7 سنين مش هيتكرر تاني في مصر، واللي منجحش ساعتها، هتنجحوه دلوقتي، باين عليكوا متعرفونيش صحيح، لا والله أمنك واستقرارك يا مصر تمنه حياتي أنا وحياة الجيش".

وأضاف: "ما يصحش حد يلعب بأمن مصر، أروح أموت الأول، قسما بالله أكون مت الأول، واللي عايز يلعب في مصر ويضيعها لازم يخلص مني الأول، ولن أسمح.. وأنا أروح بس الـ100 مليون يعيشوا".

وتابع: "محدش يفكر يدخل معانا في الموضوع دي لأن أنا مش سياسي بتاع الكلام، البلد عشان ترجع تاني ربنا يعلم هي رجعت كدا إزاي، أي حد يفكر يقرب منها لا لا أنا هقول للمصريين انزلوا تاني ادوني تفويض قدام الأشرار".

وأردف: "هقول للمصريين تاني تاني لو الأمر استمر كده وحد فكر يلعب في مصر وأمنها هطلب منكم تفويض تاني لأن هيبقى فيه إجراءات أخرى ضد أي حد يعتقد أن يعبث بأمن مصر، مبخافش غير من ربنا وعليها هي بس".

وقال السيسي خلال الاحتفال ببدء الإنتاج المبكر لحقل ظهر من الغاز الطبيعي، اليوم الأربعاء، موجها حديثه للرئيس التنفيذي لشركة إيني الإيطالية، كلاوديو ديسكالزي الذي حضر الاحتفال: "نقدم التعازي مجددا لأسرة ريجيني".

وتابع: "مش ناسينه، بنقول مش هنسيب الموضوع لحد ما نجيب الجناة ونعاقبهم".