عباس كامل.. من الترامادول إلى سيلفي خلف السيسي (شاهد)

أثار مقطع متداول على مواقع التواصل الاجتماعي لمدير مكتب قائد الانقلاب عبد الفتاح السيسي، اللواء عباس كامل، سخرية واسعة بين النشطاء بعد تجاهله لكلمة السيسي وانشغاله بالتقاط "سيلفي".

المثير في المقطع المتداول إدارة كامل ظهره للسيسي وللقاعة والتقاطه صورة "سيلفي" ليظهر ظهر السيسي، أو "قفاه" (بحسب تعبير النشطاء) في الصورة. 



وعبر مواقع التواصل الاجتماعي التي ضجت بالسخرية، تساءل الإعلامي حسام الشوربجي: "عباس كامل فى قمة البريكس، سايب القمة وكلام الناس وعمال يتصور سيلفى مع قفا #السيسي، الناس دي هتفضل تفضحنا لحد أمته كدا!".

وقال نائب رئيس اتحاد طلاب مصر السابق، أحمد البقري: "عباس كامل بيتصور سيلفي مع قفا #السيسي في قمة البريكس. #فضحتونا".

وعلق محمد مراد: "سبحان الله كل مؤتمر قمة بيبقي ليهم فضيحة تقولش ربنا بيفضحهم حبة حبة لحد ما يغوروا".

وقال محمد أنور: "عباس دا هو الشخص الوحيد فيهم المتناسق مع نفسه، همه عارفين إنهم بيستهبلوا وبيمثلوا على شوية بقر إنما عبس بيستهبل ومابيمثلش واللي عاجبه عجبه".

"ترامادول" المجلس العسكري

وفي إشارة إلى اعتراف عباس كامل سابقا بتناول أعضاء المجلس العسكري للترامادول، قال شوقي القاضي: "الترامادول يعمل أكتر من كده".



وعلى ذات المنوال، قال حمدي سعيد: "هو بدل ما بياخد حباية ترامادول واحدة خد حبايتين".

وغرد علي عمر: "ترمادول الصين حاجة آخر شهيصه".

وكتب عمرو جمال: "عباس كامل تقريبا كان لسه شارى الموبيل جديد وفرحان بيه وبيصور نفسه سيلفي فى المؤتمر".

وعلقت ليليان ماركوس: "محدش قاله ولا هو فكر إن الكاميرات هتبقي على الريس وهو بالتالي؟! نتبسط بالمباراة نلاقي موقف أهبل يضايقنا".

وغردت ياسمين فوزي: "اللي بيتصور سيلفي ده عباس كامل!! ترامادول.. ترامادول يعني، "هينزلها ويكتب" أحلى مؤتمر ده ولا إيه؟ صدق اللي قال هنبقى أضحوكة العالم".

وعلق الناشط السياسي حازم عبد العظيم: "فيه ناس مستغربة عدم اهتمام ل. عباس كامل بكلمة السيسي. غالبا هو يعلم جيدا أنه بيقول أي كلام اكلاشيهات بلا بلا كالعادة. فالراجل زهق".

وقال محمد السوهاجي: "هي الناس مستغربة ليه إن عباس كامل بياخد سيلفي أثناء كلمة السيسي عباس ده اكتر واحد عارف أنهم جايين للظهور فقط فالراجل قال يظبط نفسه".

وسخرت ريحانة محمد: "#ملعونة_يا_دولة_العساكر فضحانا بكل مكان عباس كامل بيتصور سيلفي مع قفا #السيسي في #قمة_البريكس وهو قفاه احسن من وشه".

جدير بالذكر أن اللواء عباس كامل اشتهر بعد الانقلاب، وتحديدا عام 2015 خلال سلسلة من تسريبات مكتب السيسي، حيث ظهرت له عدة حوارات مع السيسي ولواءات للجيش ووزراء وقضاة، جاء بأغلبها توجيهات للإعلاميين وتوسطات لدى القضاء.

الترامادول عامل شغل عالى اووووووى مع عباس كامل...شكله ضرب الشريط كله???? pic.twitter.com/0TdlGun03V

— عمر عبد الرحمن (@OmarAbdl_Rahman) 6 سبتمبر، 2017

عباس كامل بتاع التسريبات

بياخد سيلفى مع قفا السيسى???? pic.twitter.com/mJFeAe1wsy

— مصــــــــــــــــرى (@officialamro1) 6 سبتمبر، 2017