"#العادلي_الحرامي_فين"؟.. ونشطاء: يلهو مع مبارك

تفاعل نشطاء التواصل الاجتماعي مع أنباء عن اختفاء وزير الداخلية المصري الأسبق، حبيب العادلي وهروبه، من تنفيذ حكم نهائي بالسجن سبع سنوات، بعد إدانته بالاستيلاء على المال العام في القضية المعروفة إعلاميا بقضية "فساد وزارة الداخلية".

اقرأ أيضا: أنباء عن هروب وزير داخلية مبارك من حكم يوجب سجنه (شاهد)

ودشن النشطاء وسم "#العادلي_الحرامي_فين" الذي احتل المركز الأول في قائمة أعلى الوسوم تداولا في مصر.

وعبره، قال الحقوقي جمال عيد: "ناس بتتعب ولا تكسبش وناس بتكسب ولا تتعبش وناس ببتعاقب ولا تتحاكمش، وناس تتحاكم ولا تتعاقبش الحرية لقائد الاسطول السادس، والسجن لحبيب العادلي".

وغرد محمد مازن: " السيسي بنفسه طلع قال مفيش ظابط هيتحاكم يبقي ليه عايزين يتقبض علي العادلي حتي وهو مدان!!! #العادلي_الحرامي_فين".

وسخر محمد شندي قائلا: "مليارات ايه اللي ناهبها العادلي يا جرابيع انتو متعرفوش انكم فقرا اوي".

وتساءل الناشط حازم عبد العظيم: " بشويش شوية بس.. وارد جدا يكون ترامب اتكلم عليه مع السيسي وطلعه؟ أو يمكن يكون مستخبي عند اللي قتلوا ريجيني؟!!  #العادلي_الحرامي_فين".

وأردف عبد العظيم: "عمرو أديب هايطلع يقول النهاردة، العادلي فين يا جماعة مايصحش كده؟! وبعدين مداخلة من الرئيس يكلمه على مكافحة الارهاب".

وقالت مارية سلامة: "#العادلي_الحرامي_فين مستخبي في قصر من قصور الرياسة أو مستخبي في الداخلية، وضحت كده ولا نقول كمان".

وغرد أحمد عصام: "#العادلي_الحرامي_فين لما تبقي ناهب وسارق مليارات ويتعمل عليك ثورةوبعدين تطلع من السجن وفلوسك ترجعلك هكذافي دوله الاقانون الظالمه".

وتساءل فؤاد محمود: "من الاسباب الرئيسية لقيام ثورة يناير فساد الداخلية وقمعها تحت قيادة العادلي دا فين الشامخ فين الدولة".

وتهكم هشام حسين: "وفي الآخر اكتشفنا إننا خلعنا #مبارك و#حبيب_العادلي عشان نحافظ عليهم وعلى أموالهم وعيالهم".

وقال هيثم عادل: "دا ناهب مليارات يا جدعان مش 25 ألف جنيه رشوة لا سمح الله".

وسخر الصحفي أحمد خطاب، فقال: "قاعد مع حسني مبارك و8 آخرين في كافيه #الجونة".

وغرد الصحفي محمد الجارحي: "يا اللي قرفتوا أهلنا عن القانون واحترام القضاء.. القضاء حكم على حبيب العادلي الحرامي بالسجن والحكم واجب النفاذ".

وسخر محمد فوزي: " فين دي مش بتاعتنا! كفايا أننا عايشين معاهم وواخدين الأكسجين بتاعهم ومستحملينا!".

وقال محمد الصباغ: "راح يصنع لنفسة "مقام وحضرة" ليقصده الديكتاتوريون ليتبركوا بمقامه ويتعلموا منه فنون السيطرة على الشعوب".

وتساءلت مريم محمد: "وهو العادلى حرامى بس؟ كل الجرائم اللى العادلى عملها حصرتوها ف السرقة!".

وعلق حسام عصام: "اسألوا السيسي اللي جعل قضاة مصر يحكموا على الأبرياء ويبرئوا المجرمين. والسيسي نفسه وعد ان مفيش واحد هايتحاسب!".

وقال محمود أبو الفتوح: "سؤال غير منطقى! المفروض الاول نسأل هي الدولة فين؟ لأن لو في دولة مش هنسأل على مجرمين حتى لو كان الرئيس نفسه".

يذكر أنه صدر حكم من محكمة جنايات القاهرة في 15 نيسان/ أبريل الماضي، بالسجن سبع سنوات على العادلي، وهو حكم واجب النفاذ، بينما كان العادلي تحت الإقامة الجبرية بموجب قرار من المحكمة صدر في 22 تشرين الثاني/ نوفمبر الماضي.

وبعد أن تسلمت نيابة وسط القاهرة الكلية صيغة ونص الحكم، وكلفت الأجهزة الأمنية بالقبض على العادلي، الموجود في فيلته بمدينة 6 أكتوبر قيد الإقامة الجبرية، لم تتلق المحكمة حتى الآن أي إفادة بتنفيذ الحكم الجديد، واتخاذ الإجراءات القانونية المتبعة، برغم قيام ثلاثة متهمين آخرين يشملهم الحكم؛ بتسليم أنفسهم، بحسب صحيفة "التحرير".